تعرف على العوامل التي تسبب عدم النوم لك ولكي وللجميع بالليل

 بعد يوم طويل من شغل البيت والمذاكره مع العيال والطبيخ وغسيل المواعين والمناهده مع العيال وابوهم 😂 وبعد التعب دا كله تروحى على السرير وتيجي تنامى متقدريش... مع انك مش قادره تفتحى عنيكي 😔...او ممكن تكونى نايمه وتصحى وتقلقى من نومك من غير سبب
وحضرتك بتصحى من بدرى وتروح الشغل ومديرك يصبح عليك كعادته، وضغط الشغل وأرف زمايلك ف الشغل وبعد يوم طويل تروح البيت متعرفش تنام من صراخ العيال وشقاوتهم وتيجى اخر الليل عشان تنام حبه عشان طاحونه كل يوم....بردووو متعرفش تنام

 هاتكلم معاكم على اهم الاسباب ( وتعذرونى لو هاطول عليكم حبتين )
عندنا نوعين من الاسباب : عادات خاطئه + اسباب عضويه
 عادات خاطئه :
1- لو حضرتك من عشاق القهوه او الشاي ...لانه ببساطه منبه للمخ وبتزود ضربات القلب ويسبب الارق وعدم القدره على النوم
2- لو بتاكل كربوهيدرات وسكريات كتير ...الحاجات دى مش هاتخليك تنام ....عشان بتقلل من مستوى البوتاسيوم والماغنسيوم ف جسمك ...هانفهم دلوقتى ايه اهميتهم 👇
3- لو عندك نقص بوتاسيوم وماغنسيوم ....من وظايفه انه مهدئ طبيعى للجسم + كمان بيمنع عنك تشنجات العضلات اللى بتصحيك نص الليل + وبيقلل التوتر + وبيقلل من سرعه ضربات القلب..... لو بتسألو موجود فين ؟ الاجابه هى السلطه الخضرا
4- حضرتك بترجع متأخر اخر الليل وعاوز تتعشي او من الناس اللى بتحب تتعشي طبيخ ...الدهون دى هاتمنعك من النوم الطبيعي ..اللى هى زياده الفوسفور .....يعنى حضرتك بتاكل لحوم او بيض على العشا ... كمان اللى بيتبعو نظام الكيتوجينك هايفهمو كلامى... عشان الفوسفور لما يزيد البوتاسيوم بيقل
5- لو بتحب تشوف الاخبار المحليه او العالميه قبل ما تنام ....مش هاتعرف تنام...التوتر
6- بتخاف من الظلام وبتنام حتى ولو على نور خفيف...دا بيمنع جسمك انه ينتج هرمون الميلاتونين اللى هو هرمون النوم
7- بتستخدم الكومبيوتر او الموبايل قبل ما تنام وانت على السرير دا بيزود من يقظه المخ وتنبيه جهازك العصبي ....يبقى مش هاتنام المفروض تسترخى
8- اى جهاز كهربى بتحطه جنبك بردو هايأثر على كيميا المخ ومش هتنام
9- لو كنتى بتمارس الرياضه بشكل منتظم وفجأه توقفت....
عشان خلايا جسمك بتخزن الطاقه دى من التمارين وبتكون دايما ف وضع استعداد مستمر ...ولما تتوقف فجأه عن الرياضه تبدأ الخلايه تفرز الطاقه المتخزنه دى ودا اللى بيسببلك ارق وعدم النوم...الحل ببساطه هاتتعود انك تعمل تمارين خفيفه يوميا عشان تستنفذ الطاقه المتخزنه عندك دى
 الاسباب العضويه :
1- لو كنت مريض بروستاتا .....عليك تجنب منتجات الالبان كلها
2- لو كنتى مريضه سكر ....الحل تتبعى نظام كيتوجينك و الصيام المتقطع
3- التقدم ف السن او هبوط معدل الاستروجين ....ودا محتاج متابعه مع طبيبك
4 نشاط الغده الكظريه....عشان هو المسؤول عن انتاج هرمون الكورتيزل اللى بنسميه هرمون التوتر والارق ..كل ما يزيد بيزود معاه عدم قدرتك على النوم الطبيعي..... ودا حله فيتامين ب1
 الخلااااصه :
 السلطه الخضرا من الاكلات المنسيه ف يومنا وللاسف بقينا بنعتبرها ك ديكور على طربيزة الاكل مع انها مصدر طبيعي للبوتاسيوم والماغنسيوم اللى دلوقتى عرفنا دورهم ف النوم الطبيعى او اى مشاكل ف العضلات عموما