كتب :محمد نصار
كتب دكتور محمود تركي، طبيب وإستشاري مصري أن أطباء عالمين. قد كتبوا عدد من الأبحاث على مدار الثلاثة أشهر الماضية عن فيروس كورونا ومدى خطورتة وقدرة انتقال العدوى والشفاء منه، وعبر من خلاله بوجود ل٣ أبحاث محترمة عن الفيروس..طالعة في مارس ٢٠٢٠..احدها في اشهر دورية طبية (اللانسيت)..وواحد تاني تقرير الإمبريال كوليج الشهير اللي اتعرض على بوريس جونسون ..والتالت في واحدة من اشهر دوريات طب الباطنة..
..................................
ملخص الأبحاث دي كلها اتفق على ايه؟
......
١- ان اول ٥ ايام من بعد ما تلقط الفيروس مابيحصلكش حاجه..
.
٢- ان ٣٠٪ من اللي بيلقطوا الفيروس بيكونوا مناعة ضده فورا بعد ال٥ ايام ومابيحسوش بحاجه خالص ويكملوا حياتهم عادي..من غير ما يعرفوا انهم اتصابوا (وبيبقوا معديين لغيرهم لمدة أسبوعين)..
(نخللي بالنا من النقطة دي علشان هانرجع لها تاني في الاخر )..
.
٣- ان ٥٥٪ من اللي بيلقطوا الفيروس بتيجي لهم بعد ال٥ ايام اعراض بسيطة لمدة ٥ ايام اخرى بيكملوا بعدها زي المجموعة الأولى..لا اعراض..عندهم مناعة..وبيبقوا معديين لمدة ٣ اسابيع..
.
٤- ان ١٠٪ بعد ال٥ ايام الأولى بتيجي لهم اعراض شديدة تستدعي دخولهم المستشفى لمدة ١٠-١٤ يوم ..وللأسف ١٥٪ من المجموعة دي (يعني ١،٥ ٪ من المجموع ) بيتوفوا في الاخر..لكن ال٨٥٪ اللي بيعيشوا (٨،٥٪ من المجموع) بيعيشوا ويكملوا عادي زي المجموعتين اللي فاتوا..
.
٥- ال٥٪ اللي فاضلين بيتدهوروا لدرجة انهم يدخلوا الرعاية المركزة وللأسف نصهم بيموت (٢،٥٪ من المجموع تزودهم على ال١،٥٪ بتوع المجموعة اللي فاتت..يطلع لك ٤٪ المتوسط العالمي للوفيات)..
والنص اللي بيعيش بيكمل زي باقي المجموعات اللي فاتت)..
......................................
بالتالي:
.
- الدول اللي بتحلل للي في الرعاية المركزة بس الأرقام بتاعتها ٥٪ من العدد الحقيقي..
.
- الدول اللي مابتحللش لكل اللي في الرعاية المركزة أرقامها اقل من ذلك..
.
- الدول اللي بتحلل المحجوزين في المستشفيات واللي عندهم صعوبة في التنفس بس..ارقامهم ١٥٪ من العدد الحقيقي..
.
- الدول الوحيدة اللي ممكن يعتد بأرقامها هي الدول اللي بتحلل للناس العاديين اللي ماشيين في الشارع بمئات الآلاف..ودول مايزيدوش عن ٥-٦ دول في العالم..
.
- فيه ناس كتير معديين وماعندهمش اعراض..وعمر ما كان عندهم اعراض..
(تلت الحالات)..
.
- فيه ناس كتير عندهم مناعة وعمرهم ما تعبوا وعمرهم ما حللوا (تلت الحالات)..
.
- فيه ناس كتير جالهم دور برد كام يوم وعمرهم ما حللوا وعمرهم ما اتشخصوا وفضلوا معديين فترة وعندهم مناعة (الأغلبية = اكتر من نص الحالات).
تعليقات: 0
إرسال تعليق