بالصور الفرق بين طبيب شاب بيدافع بحياتة لمحاربة كورونا ومحمد رمضان وحمو لبكا وشاكوش وغيرة

الصورة دي لدكتور في مستشفي جامعي يوم الجمعه الساعه ٦ الصبح وهو نايم ع البلاط بعد نابطتشيه ٢٤ ساعه وجمبه جهاز ضغط وسماعته عنده ٣٠ سنه مرتبه بالنابطتشيات والسهر وبدل العدوي حوالي ٢٤٠٠ جنيه ..

غالبا مش متجوز ولا عنده عيادة ولا عربية ولا مصدر رزق غير مرتبه.. ده اسمه عندنا نايب او طبيب مقيم وده بيشيل القرف كله بتاع المستشفي ممكن ينام ساعتين بس كل يوم ..

الصوره التانيه دي بني ادمين برضوا بس اعمارهم قريبة ويمكن اقل من سن الدكتور ده و معاهم ملايين من الرقص و الصياعة رغم أنهم جهلة و صيع و ميعرفوش الألف من كوز الدرة .. 
احنا بقا فضلنا نعظم فيهم وننفخ فيهم لحد ما طلع جيل مش عاوز يبقي نايم ع البلاط وعاوز ينام ع الحرير وبالتالي مش هيفكر في تعليم علشان عارف انه مش هيلاقي قيمته وسط المجتمع الجاهل الفاسد ده ..

...يقوم يظهر وباء ف المجتمع يطلب من اللي نايم ع البلاط يخترع علاج وانه يعالج الي نايم ع الحرير علشان يكمل إفساد ف الارض ..

يا أمة ضحكت من جهلها الأمم

#مصر